இன்று மதிய உணவு ஒரு புதிய முயற்சி...
சுவை பிரமாதம்😋😋😋
மஞ்சள் பூசணிக்காய் துருவல்
வெள்ளை உள்ளி (நறுக்கியது)
ஊற வைத்த பச்சை வேர்க்கடலை
மெக்சிகன் கொரியான்டர் ( என்னிடம் கொத்தமல்லி இல்லை)
புதினா
எலுமிச்சை சாறு
மிளகு
கல் உப்பு
#அடுப்பில்லா_சமையல்
மரணம் வரும் வரை ஆரோக்கியமாக வாழ..... health tips
மரணம் வரும் வரை ஆரோக்கியமாக வாழ.....
1. உண்ணும்பொழுது உதட்டை பிரிக்காமல் மென்று கூழாக்கி உண்பது..
2. உணவை 32 மென்று விழுங்குவது சிறந்தது..
3. மென்று உண்பதால் பசியின் அளவு அறிந்து உணவின் அளவும் குறையும்...
4. உமிழ்நீர் கலந்த உணவின் காரத்தன்மை அதிகம், அதனால் உணவே மருந்தாகும்....
5. உணவு செரிமானம் குறைதலே அனைத்து நோய்களுக்கும் காரணம்...தலைவலி, காய்ச்சல், வயிற்றுவலி, நீரிழிவு முதல் புற்றுநோய் வரை....
6. வாழைப்பழம் என்றாலும் நன்கு மென்று கூழாக்கி விழுங்காவிட்டால் குடலுக்குள் சென்று செறிக்காத கழிவுகள் மலக்கழிவாகி விஷமாகும்...
7. காலை 5 மணிமுதல் 7 மணி உடல் கழிவுகள் வெளியேறும் நேரம், பெருங்குடலில் உள்ள கழிவுகள் முழுவதுமாக வெளியேற சக்தி கிடைக்கும் நேரம் காலை 5 மணி, அதிகாலை கண்விழிப்பது உடல்கழிவுகளை வெளியேற்றி உடலின் மொத்த ஆரோக்கியமும் காக்கும் என்பது நம் முன்னோர்கள் சொல்லிச்சென்ற உண்மை.....
நரிபயறு சட்னி naripayiru chatny
நரிபயறு சட்னி......
எலும்பு, நரம்புகளுக்கு பலம் கொடுக்கும், நார்சத்து, புரதம், கால்சியம், இரும்புசத்து அதிகம் உள்ள பயிர், தற்போது அரிதாகி வரும் பாரம்பரிய பயிர்களில் இதுவும், இந்தப்பயிர் வளர குறைந்தளவு நீர் போதும், வறட்சியான நிலங்களிலும் செழித்து வளரும் தரைகொடிவகை....மானாவாரி நிலங்களில் பயிரிடலாம்......இந்த பயிர் விளைவித்து கொடுத்தவர் அகிலா குணாளன்
ஒரு கை நரிப்பயறு, ஒரு சில் தேங்காய், மிளகாய் வத்தல்(தேவையைபொருத்து), பூண்டு 4 பல், தக்காளி 1, பெருங்காயம் ஒரு சிட்டிகை, உப்பு தேவைக்கு, நரிபயறை முதலில் வறுத்து எடுத்துட்டு, மற்ற அனைத்தையும் சிறிது எண்ணெய் ஊற்றி வதக்கி அரைக்கவும்,
கேழ்வரகு சூப் Kelvaragu soup
கேழ்வரகு சூப்.....
குளிர்கால உணவுகளில் மிக முக்கியமான உணவு கேழ்வரகு.....கூழ், ரொட்டி, சூப் செய்யலாம்......இதிலுள்ள கால்சியம் சத்து எலும்புகளுக்கு பலம் கொடுக்கும், மூட்டுகள் பலமாகிறது, விட்டமின் B சத்து இதில் உள்ளது, குழந்தைகள் முதியவர்களுக்கு தொடர்ந்து கொடுக்கலாம், மாதவிடாய் காலங்களில் வரும் வலி பலகீனம் சரியாகும், மெனோபாஸ் நேரத்தில் பலம் கொடுக்கும், இரத்த ஓட்டம் சீராக்கி சமநிலையில் வைக்கும், .....சிறுதானிய உணவுகளை உண்போம் பலம் பெறுவோம்.....
ஒரு ஸ்பூன் கேழ்வரகு கொஞ்ச நேரம் ஊறவைச்சிட்டு ( குட்டி உரலில் இடிச்சு எடுக்கனும்), 4 சின்னவெங்காயம் , பூண்டு 4 பல் தட்டி வைச்சிக்கனும், ஒரு சிறிய தக்காளி, உப்பு, மஞ்சள் தூள் மிளகுதூள்.....
பாத்திரத்தில் சிறிது நல்லெண்ணெய் ஊற்றி, தட்டிவைத்த வெங்காயம் பூண்டு போட்டு வதக்கி, தக்காளி சேர்த்து, உப்பு மிளகு மஞ்சள் தூள் சேர்த்து , இடிச்சி வைச்ச கேழ்வரகு சேர்த்து வதக்கி தண்ணீர் ஊற்றி கொதித்து சிறிது நேரம் வெந்ததும் இறக்கி வைத்து குடிக்கலாம்....
சிவப்பு பூங்கார் அரிசி இட்லி
சிவப்பு பூங்கார் இட்லி
4 கப் சிவப்பு பூங்கார் அரிசி ( 4 மணி நேரம் ஊற வைக்கவும் )
1 கப் உளுந்து ( 2 மணி நேரம் ஊற வைக்கவும் )
1/2 கப் வெள்ளை அவல் ( 10 நிமிடம ஊற வைக்கவும் )
உளுந்து தனியாக அரைத்து எடுத்துக்கொள்ளவும்
சிவப்பு பூங்கார் அரிசி மற்றும் வெள்ளை அவல் ஒன்றாக அரைத்து எடுத்துக்கொள்ளவும்
இரண்டையும் ஒன்றாக கலந்து 8 மணி நேரத்திற்கு பிறகு இட்லி வேக வைக்கவும்
இன்று உலர் பழங்கள் விதைகள் உணவுகள், குளிர்கால உணவுகளில் உடலுக்கு ஆரோக்கியமான சூடுதரும் உணவுகளில் சிறந்த உணவு இவைகள்
மழைக்கால உணவுகளில் உலர் பழங்களில் இன்று பேரீச்சை, உடலுக்கு நிறைந்த சத்துக்களும், இதிலுள்ள இனிப்பு சுவை மனதிற்கு மகிழ்ச்சியும் புத்துணர்வும் தரும், இதில் நிறைந்திருக்கும் சத்துக்கள் நார்சத்து, கால்சியம், புரதசத்து....விட்டமின் A, B1, B12, B6......
நலமும் பலமும் தரும் உணவுகளில் இன்று உலர் பழங்கள் விதைகள் உணவுகள், குளிர்கால உணவுகளில் உடலுக்கு ஆரோக்கியமான சூடுதரும் உணவுகளில் சிறந்த உணவு இவைகள், இதில் புரத சத்து, இரும்புசத்து, நார்சத்து அதிகம் உள்ளது, உடல் சோர்வு நீக்கி பலம் தருகிறது, இதிலுள்ள மதுர சுவை உடனடி புத்துணர்வு கொடுத்து, மனஅழுத்தம் நீக்கி மகிழ்ச்சியளிக்கும்.........
உயிர்வேலி...
உயிர்வேலி என்பது நமது நிலத்தை காக்கும்பொருட்டு உயிரற்ற கம்பியால் வேலி போடாமல் உயிருள்ள மரங்களால் வேலி அமைப்பதே உயிர்வேலி ஆகும். உயிர்வேலி அமைப்பதன் அவசியம் என்னவென்றால் விலங்குகளிடமிருந்தும் (நடப்பன, ஊர்வன) மனிதர்களிடமிருந்தும் நமது நிலத்தை காக்கும் பொருட்டு அமைக்கப்படுவது. மேலும் இந்த உயிர்வேலியானது மண் அரிப்பை தடுத்தும்,பண்ணையாளரின் அனுமதி இல்லாமல் வாயிலை தவிர வேறு வழியில் வெளி ஆட்கள் பண்ணையின் உள்ளே நுழைய இயலா வண்ணம் அமைந்த ஒரு முள் வேலியாகவும், பல உயிர்கள் வாழும் இடமாகவும், பல உயிர்களுக்கு உணவு கிடைக்கும் ஒரு உணவு தொழிற்சாலையாகவும், மனிதர்களின் பழத்தேவையை பூர்த்தி செய்யும் ஒரு உணவுக்காடாகவும், கால்நடைகளின் உணவுத்தேவையை பூர்த்தி செய்யும் பசுந்தீவனமாகவும், விறகுக்காகவும், மரச்சாமான்களுக்காகவும், பசுந்தாள் உரத்திற்காகவும், பருத்தியின் மூலம் உடை தேவையை பூர்த்தி செய்வதற்காகவும், வீட்டு பயன்பாட்டிற்கு தேவைப்படும் மூலிகைகள் அடங்கிய மூலிகைக்காடாகவும் பயன்படுகிறது.
வீட்டு தோட்டம் அமைப்பவர்களுக்கான உயிர்வேலி
பாச்சான், கொட்டைச் செடி, கள்ளி,அகத்தி, சூபா புல், சவுண்டல், கிளைரிசீடியா, மரக்கிளுவை, மல்பெரி, செடி முருங்கை, கல்யாண முருங்கை.,,,(இன்னும் சில)
விவசாயம் செய்பவர்கள் ஐந்து அடுக்கில் இயற்கை வேலி அமைப்பது நல்லது. அவர்களுக்கான வழிமுறை
முதல்வரிசை முள் நிறைந்த வேலி மற்றும் உணவுபொருள் மற்றும் ஆட்டுத்தீவனம்
இலந்தை, களாக்காய், (கிளக்காய்),கோணக்கா (கொடுகழிக்கா அல்லது கொடுக்காய் அல்லது கொடுக்கா புள்ளி), காரை முள், சூரை முள்,வில்வம், சப்பாத்திக்கள்ளி, முள் கிளுவை, சூடான் முள், முள் கள்ளி, பரம்பை முள், கருவேல்,குடைவேல்,காக்கா முள், சங்க முள், யானைக்கற்றாழை.,,,(இன்னும் சில)
இரண்டாம் வரிசை பறவைக்கான உணவு மற்றும் அதன் வீடு மற்றும் மனிதர்களுக்கான உணவுக்காடு
ஆலமரம், அரச மரம், அத்தி மரம், நாவல், இலுப்பை, கோடை ஆப்பிள், சிங்கப்பூர் செர்ரீ (சர்க்கரை பழம்), வேம்பு, கொய்யா, மாதுளை, மா, பலா, சீத்தா, பேரீச்சை, ஈச்ச மரம், நெல்லி, புளிய மரம், சப்போட்டா, முந்திரி, ஆரஞ்சு, சாத்துக்குடி, நார்த்தங்காய், பேரிக்காய், எலுமிச்சை, விளாம் பழம்,பாதாம், தென்னை, பனைமரம்,பாக்கு மரம்.,,,(இன்னும் சில)
மூன்றாம் வரிசை வருங்கால வைப்பு நிதி மற்றும் விறகு மற்றும் பசுந்தாள்உரம் மற்றும் வனக்காடு
சவுக்கு, மூங்கில், சில்வர் தேக்கு, மலைவேம்பு,குமிழ், வேங்கை, புங்கை மரம், புன்னை மரம், வேங்கை, கடம்பு,தீக்குச்சி மரம், வாகை,சந்தனம் ,தேக்கு,ரோஸ்வுட் ,செஞ்சந்தனம் ,கொன்றை, மருதம், கருங்காலி, உசிலை, தடசு, மந்தாரை, நீர் மருது, மஞ்சணத்தி, பூவரசு, மகிழ மரம், வன்னி மரம்,.,,,(இன்னும் சில)
நான்காம் வரிசை கால்நடை தீவனம்
அகத்தி, சூபா புல், சவுண்டல், கிளைரிசீடியா, மரக்கிளுவை, மல்பெரி, செடி முருங்கை, கல்யாண முருங்கை.,,,(இன்னும் சில)
ஐந்தாம் வரிசை மூலிகை மற்றும் பூச்சிவிரட்டி மற்றும் உணவுபொருட்கள்
அன்னாசி பழம், பிரண்டை, தூதுவளை, முடக்கற்றான், பண்ணைகீரை, கருவேப்பிலை,கோவக்காய், திராட்சை (முடிந்தால்), வெற்றிலை, செம்பருத்தி ,வெட்டி வேர், லெமன் கிராஸ்,கற்பூர வள்ளி (ஓம வள்ளி), பூனை மீசை, மருதாணி, சோற்றுக்கற்றாழை,நிலவேம்பு ,சிறியா நங்கை, பெரியாநங்கை,முசுமுசுக்கை, திருநீற்றுப்பச்சிலை ,துளசி, துத்தி, தும்பை, குப்பைமேனி,கீழாநெல்லி, அம்மான் பச்சரிசி, ஆடாதோடை, ஆடு தின்னாப்பாளை, நொச்சி, ஆவாரை, ஊமத்தை,நெய்வேலி காட்டாமணக்கு, ஆமணக்கு,எருக்கு,நீர்முள்ளி, சிறுகண்பீளை, சிறுநெறிஞ்சிமுள் ,வேலிப்பருத்தி.,,,(இன்னும் சில).
இட்டேரி என்பது உயிர்வேலிப் பாதை. இருபுறமும் அடர்ந்த உயிர்வேலி, நடுவில் பாதை இருக்கும். கள்ளி வகைகள்,முள்ளுச்செடிகளுக்கு இடையே வேம்பு, மஞ்சகடம்பு, நுணா, பூவரசு போன்ற மரங்கள், நொச்சி,ஆடாதொடை, ஆவாரம் போன்ற செடி வகைகள், பிரண்டை, கோவை போன்ற கொடி வகைகள் மற்றும் பெயர் தெரியாத எண்ணற்ற புற்பூண்டுகளும் இந்த உயிர்வேலியில் நிறைந்திருக்கும்.
இவை விவசாய நிலங்களைக் காத்து வந்தன. இந்த உயிர்வேலியில் கறையான் புற்றுகள், எலி வலைகள் நிறைய காணப்படும். நிழலும், ஈரமும், இலைக்குப்பைகளும் எப்போதும் இந்தப் பகுதியில் காணப்படுவதால், இந்தப் பகுதியில் எண்ணற்ற பூச்சியினங்களும் வாழ்ந்து வந்தன. இவற்றை உணவாக உட்கொண்டு வண்டுகள், நண்டுகள், பாம்புகள், பாப்பிராணிகள், உடும்புகள், ஓணான்கள், கோழிகள், குருவிகள், அலுங்குகள் என்று பல உயிர்கள் வாழ்ந்தன. இந்த உயிர்களை உண்ண பாம்புகள், பருந்துகள், நரிகள் போன்ற உயிர்கள் இருந்தன.
கோவைப்பழம், கள்ளிப்பழம், சூரிப்பழம், பிரண்டைப்பழம் போன்ற கனி வகைகளும், கோவைக்காய், களாக்காய், பிரண்டை கொழுந்து, சீகைக் கொழுந்து என்று சமையலுக்கு உதவும் பொருள்களும், மூலிகைகளும் கிடைத்தன.
இந்த உயிர்வேலியில் வாழ்ந்த குருவிகள், ஓணான்கள், தவளைகள் ஆகியவை சேர்ந்து விவசாயப் பயிர்களைச் சேதப்படுத்தும் பல்வேறு வகை பூச்சிகளை அழித்தன. பாம்புகள்,ஆந்தைகள் போன்ற உயிரினங்கள் எலிகளின் எண்ணிக்கையைக் கட்டுப்படுத்தின.
பறவைகளின் எண்ணிக்கையைப் பாம்புகளும், வல்லூறுகளும் கட்டுப்படுத்தின. பாம்புகளின் எண்ணிக்கையை மயில்கள் கட்டுப்படுத்தின. மயில்களின் எண்ணிக்கையை நரிகளும், காட்டுப்பூனைகளும் கட்டுப்படுத்தின.
விவசாய நிலங்கள் வீட்டுமனைகளாக மாறத்தொடங்கி உயிர்வேலிகள் அழிக்கப்பட்டன. மிஞ்சி இருக்கும் விவசாய நிலங்களிலும் உயிர்வேலிகளை அழித்து காக்கா குருவிகூட கூடுகட்ட முடியாத அளவிற்குக் கம்பிவேலிகளை அமைத்துவிட்டோம்.
உயிர்வேலி என்ற பெயரில், அங்கே நாம் வளர்க்கும் மரங்கள், செடிகள், கொடிகள், புதர்கள் என்று அனைத்தாலும் நமக்குக் கிடைக்கும் பலன்கள் ஒன்றல்ல, இரண்டல்ல! முடிந்தவரை முயற்சித்திருக்கிறேன்.
பயன்கள் பட்டியல் இதோ
ஆடு, மாடு போன்ற கால்நடைகளுக்குத் தேவையான தீவனம் தரும் மரங்கள் (சூபாபுல், கருவேல்) வளர்க்கலாம்.
மண்ணுக்கு வளம் சேர்க்க பசுந்தாள் உரம் தரும் செடி, கொடி, மரங்கள் (ஆவாரை, எருக்கு இலை, ஆடுதொடா இலை) வளர்க்கலாம்.
பாம்பு போன்ற விஷஜந்துகள் வீடு கட்டி, சந்தோஷமாக வாழ்ந்து நமக்கு தீமை செய்யும் எலி போன்ற உயிரினங்களை அழிக்கும் வகையில் புதர்களை வளர்க்கலாம்.
பக்கத்து வயல் பங்காளி வரப்பு வெட்டும்போது கொஞ்சம் கொஞ்சமாக நமது நிலத்தை ஆக்கிரமித்துக் கொள்ளாமல் இருக்க, அணைபோடலாம்.
அடையாளம் தெரியாத பறவைகளை ஈர்த்து, அவற்றுக்கு உணவு கொடுத்து (அத்தி, நாவல்) பண்டமாற்று மூலம் வெவ்வேறு விதைகள் மற்றும் எச்சங்களை உரமாகப் பெறலாம்
பயிர் பாதுகாப்புக்குப் புழு, பூச்சிகளைத் தின்னும் ஓணான் மற்றும் பறவைகளை ஈர்க்கலாம்.
காற்றானது நம் நிலத்துக்குள்ளே புகுந்து செல்லும்போது ஈரத்தை காவு கொண்டு சென்று விடாமல் தடுக்கலாம்.
புயல்காற்று போன்ற ஆபத்தான காலங்களில் காற்றின் வேகத்தை தடுத்து, சேதத்தைக் குறைக்கலாம்.
மழைக் காலங்களில் சத்துமிக்க மேல்மண் அரித்துச் செல்லாமல் தடுக்கலாம்.
வீட்டின் எரிபொருள் தேவையைச் சமாளிக்கலாம்.
கூந்தல்பனை பூ, ஈஞ்சி போன்ற அழகுப் பொருட்கள், வெள்ளெருக்கு பூ போன்ற பூஜை சாதனங்களைப் பெறலாம்.
அரப்பு, பூச்சை கொட்டைக் காய் போன்ற இயற்கை ‘ஷாம்புகள்’ தயாரிக்கலாம்.
மனிதர்களுக்கும், ஆடு மாடுகளுக்கும் தேவை யான மூலிகைச் செடிகளையும், மரங்களையும் (நொச்சி, சோற்றுக் கற்றாழை போன்றவற்றுக்காக விளைநிலத்தை தனியாக ஒதுக்கத் தேவையிருக்காது) வளர்க்கலாம்.
கோடைக் காலங்களில் வெப்பத்தின் தாக்கத்தை சரிகட்ட நுங்கு போன்ற குளிர்ச்சியான உணவுப் பொருட்களை எந்தவித செலவோ, பராமரிப்போ இல்லாமல் பெறலாம்.
கற்றாழை போன்ற செடிகளை வளர்த்து, விவசாய வேலை இல்லாத நாட்களில் கயிறு திரிப்பது போன்ற வேலைகளை கொடுக்கலாம்.
எதிர்பாராத அவசரச் செலவுக்கு மரங்களை வெட்டி விற்றுச் சமாளிக்கலாம்.
இலையுதிர் காலங்களில் இலவசமாக வருடந்தோறும் மூடாக்குப் பெறலாம்.
தோட்டத்தைச் சுற்றிப் பார்க்கும்போது வேலி ஓரங்களில் நடந்தால் தூய்மையான பிராண வாயுவை (ஆக்ஸிஜன்) சுவாசித்து, உடல்நலத்தை மேம்படுத்தலாம்.
தேனீக்கள் போன்றவை இருந்தால், தோட்டத்துக்கு மகரந்தம், நமக்கு தேன் என நன்மைகளைப் பெறலாம்..
Winged Beans சிறகு அவரை
Winged bean என்று ஆங்கிலத்தில் குறிப்பிடப்படும் இந்த காய்கறி தாவரம் கிழக்காசியாவில் பெரிதும் விரும்பி வளர்க்கப்படும் கொடி தாவரமாகும். இந்த தாவரத்தின் இலை அவரை போன்று இருப்பதால் இதை அவரை ரகமாக கருதி winged bean தமிழாக்கமாக சிறகு அவரை என்றும், இந்த காயிற்கு நான்கு பட்டை/பக்கங்கள் இருப்பதால் காரணப் பெயராக சதுர அவரை என்றும் குறிக்கப்படுகிறது.
நாட்டு மருத்துவத்தில் செடியின் அனைத்து பாகங்களை குறிக்கும் விதமாக சமூலம் என்று வார்த்தையை பயன்படுத்துவர். இத்தாவரத்தின் அனைத்து பாகங்களும் வேரிலிருந்து செடியின் நுனி வரை அனைத்தும் மருத்துவ குணங்களை கொண்டிருப்பதால், கீழை நாடுகளில் அதிகமாக பயிரப்படுகிறது.
விதை மற்றும் கிழங்குகளைக் கொண்டு பயிர் பெருக்கம் செய்யலாம். கிழங்கையும் சமைக்கலாம்.
இது பல்லாண்டு தாவரமாகும். காய்ப்பு முடிந்ததும் கவாத்து செய்து செடியை பராமரித்து வந்தால் , உரிய நேரத்தில் காய்க்க ஆரம்பிக்கும். அப்படியே செடி பட்டு போனாலும், மண்ணில் உள்ள கிழங்கின் மூலமாக மழை வந்ததும் துளிர்ந்து வளரும்.
Cool climate crop என்று குறிக்கப்படும் தாவரம் ஒரு சம்பா ரக பயிராகும். ஆடிப் பட்டத்தில் விதைத்தால் நவம்பரில் காய்க்க ஆரம்பிக்கும்.
பட்டம் தப்பி பயிர் செய்தால் சம்பா பருவத்தில் காய்க்காமல் அடுத்த சம்பா பருவத்தில் தான் .காய்க்ரும்.
இதில் 5 ரகங்கள் உள்ளது.
பச்சை குட்டை
பச்சை நீளம்
ஊதா குட்டை
வரி குட்டை
நீண்ட நீள பச்சை ரகம்.
இலைத்தேள் கடியும் அதன் வைத்திய முறையும் the truth behind the leaf scorpion viral video
ஜெனி கார்த்திக்கு நிகழ்ந்த அனுபவம்🌿🌿
இடம்: லைபீரியா
நம் குழுவிலேயே இதற்கு முன் இளைத்தேள் என ஒரு காணொளி சுற்றிக் கொண்டிருந்தது.. அதில் சில உண்மையும் இருக்கிறது..
கை வைத்தியம் :
--------------------
நேற்று என் மனைவியுடன் தொலைபேசியில் பேசிக் கொண்டே வீட்டு தோட்டத்தில் களை எடுத்துக் கொண்டிருந்தேன். அந்த இடத்தில் மிளகுக் கொடி, கொடி ரோஜா, பிரண்டை, சிவப்பு பசலை, தரையில் இஞ்சி என அனைத்தும் புதராக இருந்தது.
திடீரென்று கையில் மின்சாரம் பாய்ந்தது போல ஒரு உணர்வு மற்றும் 2-3 குளவிகள்/தேனீக்கள் ஒன்றாக கொட்டியது போன்ற ஒரு வலி. முதலில் கட்டெறும்பு கடித்து இருக்குமோ என்றுதான் எண்ணினேன் ஆனால் கையை இலைச் சருகுகளுக்கிடையே கொண்டு சென்று எடுத்த அந்த கண்சிமிட்டும் நேரத்தில் கடித்திருக்க வாய்ப்பு இல்லை. ஒருவேளை பாம்பு எதுவும் கடித்து இருக்குமோ என பார்த்தால் கையில் பல் தடமும் இல்லை. வலி மோதிர விரல் நடுவிரல் மற்றும் கட்டை விரலில்.
சுற்றி முற்றி பார்த்தால் எந்த பூச்சியும் தென்படவில்லை. தேனீ கடந்தை குளவி என எதுவும் இல்லை. அரை மணி நேரம் கழித்தும் வலி அடங்க வில்லை. நெறிகட்டுவது போல ஒரு உணர்வு ஏற்பட்டது. உடனே என் சித்த வைத்திய நண்பருக்கு அழைப்பு விடுத்து என்னவாக இருக்கும் என வினவினேன் அவரும் நிச்சயமாக இது இலைத் தேளாக இருக்க அதிக வாய்ப்புள்ளது என கூறினர்.
அது என்ன இலைத்தேள்..🤔🤔
அவரும் விவரித்தார் இது பச்சை நிறத்தில் இருக்கும் இலையின் கீழ் பகுதியில் இருக்கும் (ஞான திருஷ்டி தான்)
நானும் களை எடுத்த இடத்தில் சென்று உற்றுநோக்கி தேடியதில் பிரண்டை இலையின் அடிப்பகுதியில் மேலே படத்தில் இருக்கும் கம்பளிப்பூச்சியை பார்த்தேன். இது ஒரு அந்து பூச்சியின் புழுவாகும் (முதல் படத்தில் இருப்பது) பார்த்தவுடன் அதன் அழகில் மயங்கி விட்டேன் அவ்வளவு அழகிய டிசைன்.. ஆனால் அழகு ஆபத்து தானே 😀😀
அதன் உடம்பு பூராவும் முடிகள் கூரிய முள் போன்று இருந்தது. அதனுடன் எந்த ஒரு உராய்வு ஏற்பட்டாலும் உடனடியாக கையில் கடுமையான வலி எடுக்கும் ஏனென்றால் அதன் விஷத்தன்மை அப்படி.
ஆனால் எதுவும் பயப்படத் தேவையில்லை உடனடி கை வைத்தியமாக வெற்றிலையும் மிளகும் மென்று விழுங்க கூறினார். இல்லையென்றால் தும்பை செடியின் தழை/சிறியாநங்கை/பெரியாநங்கை/ஆடு தீண்டா பாழை/ஆடாதோடை என பல கை வைத்தியங்கள்..
பாதிக்கப்பட்ட இடத்தில் சுண்ணாம்பு/ எருக்கன் பால் தேய்க்குமாறு அறிவுறுத்தினார்.
ஆனால் நான் லைபீரியாவில் வசிப்பதால் இவை எதுவும் என் அருகாமையில் இல்லை.
இவை எதுவும் இல்லாததால் அடுத்த கை மருந்தாக மிளகும் வேப்பிலையும் மென்று விழுங்க கூறினார்.
இரண்டையும் ஒருசேர மென்று விழுங்கவும் அரை மணி நேரத்தில் நெறி கட்டுவது குறைந்துவிட்டது. ஆனால் வலி குறையவில்லை. சுண்ணாம்பு இல்லாததால் பாதிக்கப்பட்ட இடத்தில் நம் சிறுநீர் வைக்கச் சொன்னார். சிறுநீர் வைத்ததில் பெரிதாக வலி குறையவில்லை 'விண் விண்ணென்று' என்று தெறித்துக் கொண்டிருந்தது.
அவசரத்திற்கு நம் சிறுநீரும் பாதிக்கப்பட்ட இடத்தில் படும்பொழுது விஷத்தை முறிக்க வல்லது.
பொதுவாக இதுபோன்ற வலி இருந்தாலும் 24 மணி நேரத்தில் தன்னால் சரியாகிவிடும் என்பது பூச்சிக்கடியில் எழுதப்படாத விதி.
(இதற்கு நடுவில் இந்த விஷயத்தை கேட்டு பதறிய என் மனைவியிடம் இருந்து ஏகப்பட்ட பேச்சுகள் வேற 😀😀 )
இரண்டு மணி நேரம் ஆகியும் வலி குறையாததால் லைபீரிய நண்பரின் உதவியை நாடினேன். இங்கு இவர்களது கை வைத்தியம் இதுபோன்ற வலிக்கு நிவாரணமாக அந்த கம்பளிப் பூச்சியின் எச்சத்தை எடுத்து பாதிக்கப்பட்ட இடத்தில் தடவினால் நிவாரணம் கிடைக்கும் எனக் கூறினார்.
திரும்பவும் செடியில் போய் தேடினால் கம்பளிப்பூச்சியை காணோம்.. ஐந்து நிமிட தேடலுக்குப் பின் அந்த கம்பளிப் பூச்சியின் பங்காளியான இன்னொரு கம்பளிப்பூச்சியை கண்டுகொண்டேன் (இரண்டாம் படத்தில் இருப்பது)
நண்பரும் விரைவாக அந்த கம்பளிப்பூச்சியை நசுக்கி அதன் எச்சங்களை என் விரல்களில் தேய்த்து விட்டார். இதை தேய்த்த அடுத்த பத்தாவது நிமிடத்தில் அதுவரை விண் விண்ணென்று தெறித்துக் கொண்டிருந்த வலி மெதுவாக குறைய தொடங்கியது. அந்த இடத்தில் அதுவரை நிலவிய உஷ்ணம் குறைந்தது.
அரை மணி நேரத்தில் வலி முற்றிலுமாக காணாமல் போனது.
கை வைத்தியத்தை தெரிந்து கொள்வோம்.. மிளகும் வெற்றிலையும் எப்பேர்ப்பட்ட விஷக்கடியையும் முறித்துவிடும்.. பாதிக்கப்பட்ட இடத்தில் சுண்ணாம்பு அல்லது எருக்கம்பால்..
உங்களுக்கு தெரிந்த கைவைத்தியம் இருந்தாலும் கீழே குறிப்பிடுங்கள்.
மிகவும் நன்றி 🙏
Couldn't identify the species though.. Closely related to Nettle slug caterpillar
வெள்ள கீரை/வள்ளக்கீரை / வள்ளல் கீரை / வாட்டர் ஸ்பினச் Water Spinach Ipomoea aquatica health benefits
வணக்கம்,
இந்த கீரை யாருக்காவது கிடைத்தால் விடாதிர்கல். இந்த கீரை நம் முன்னோர்கள் காலத்தில் இருந்தே உணவில் சேர்த்து வந்த ஒரு வகை கீரை தான். இப்போது இந்த கீரையை பற்றி யாருக்கும் அந்த அளவு தெரியாத காரணத்தால். இந்த கீரையை உணவில் யாரும் அதிகமாக பயன்படுத்துவது கிடையாது...
இந்த கீரையின் பெயர் வெள்ள கீரை/வள்ளக்கீரை அல்லது வள்ளல் கீரை இதனை ஆங்கிலத்தில் வாட்டர் ஸ்பினச் என்று அழைக்கப்படுகிறது.
இதில் அதிக அளவில் புரதம், நார்சத்து,கணிமங்கள், மற்றும் வைட்டமின்கள் ஆகியன உள்ளன.
இதன் மருத்துவ குணங்கள் என்று எடுத்துக்கொண்டால் - இதில் உள்ள நார்ச்சத்து மலச்சிக்கலை நீக்கும், இது பெண்களுக்கு பால்சுரப்பை அதிகப்படுத்தும், இதன் கீரையை 1 மண்டலம் உணவில் சேர்த்து வர பெண்களுக்கு உண்டாகும் வெள்ளைப் படுத்தலை நீக்கும் மேலும் கருப்பையை பலப்படுத்தும், மற்றும் மாதவிடாயை சரி செய்யும், இந்த கீரையை ஆண்கள் உண்டுவர ஆண்மையை அதிகரிக்கும் என சித்த மருத்துவ குணப்பாட நூல் கூறுகிறது.... இவ்வளவு மருத்துவ பயன்கள் கொண்ட இந்த கீரையை இனி ஒவ்வொருவரும் உணவில் சேர்த்துக் பயன்பெருவோம்.
N.Karthick-D.pharm
*நன்றி*
விதைகள் பற்றிய ஒரு பதிவு.....
விதைகள் பற்றிய ஒரு பதிவு.....
இன்றைய சூழ்நிலையில் நாட்டுவிதைகளை தேர்ந்தெடுத்து விதைப்பது, விதைத்து அதிலிருந்து விதை எடுத்து, மறுவருட விதைப்புக்கும், நண்பர்களுக்கு பகிர்வதும் மிக அவசியமான ஒவ்வொரு தமிழரின் கடமையாகும், வரும் காலங்களில் நாம் விளைவிக்கும் காய்கறிகளிலிருந்து விதை எடுக்க முடியுமா என்பது கேள்வி குறியே,......
உதாரணத்திற்கு விதையில்லா பப்பாளி.....அடுத்து கிராமங்களில் முதல் வருடம் விதைத்த பாசிபயறோ, உளுந்தோ எடுத்து வைத்து மறுவருடம் விதைத்தால் வருவதில்லை, புதியதுதான் வாங்கி விதைக்கிறோம் என்று சொல்றாங்க, நிலமை இப்படி இருக்க......நம்மால் முடிந்த சில விதைகளை காக்கலாம்.....எல்லாவற்றையும் ஒருவரால் செய்யமுடியாது, உதாரணத்திற்கு ஒருவர் ஒரு தக்காளி வகைகளை தேர்ந்தெடுக்கலாம்.......வளர்த்து விதை எடுத்து எல்லோருக்கும் கொடுக்கலாம், தக்காளி வகையா இவரிடம் கிடைக்கும் என்பதுபோல ......
நிறைய நண்பர்கள் மாடிதோட்டம், விவசாயம் செய்றாங்க, விதைபகிர்வு என்பது குறைவு, கத்தரிக்காயோ, தக்காளியோ அறுவடை படம் போடும்போது, விதை எப்படி தேர்ந்தெடுத்தீங்க, அறுவடை முடிந்து விதை எப்படி சேகரிச்சீங்க என்று பதிவு போடலாம்......
குழுவில் நிறைய அதிர்ப்தியாளர்கள் இருக்காங்க, அதாவது ஒருசிலரே விதைகள் கொடுத்துக்கறாங்க, வாங்கிக்கறாங்க, நமக்கு யாரும் கொடுப்பதில்லை என்று, விதை வேனும்னு நினைக்கறவங்க, தகுந்த செயல்பாடுகளை( தோட்டம் ) பதிவு செய்யும்பட்சத்தில் விதை உங்களுக்கு நிச்சயமா கிடைக்கும்......
அப்படி கிடைக்கவேண்டும்னா குழுவில் உள்ள விதை பெற்ற நண்பர்கள் அவர்கள் தோட்டங்களில் உள்ள காய்கறி விதைகளை எப்படி எடுத்து பத்திரபடுத்தி கொடுக்க என்பதை தெரிந்துகொண்டு பதிவு செய்ங்க.....முடிந்தா தபாலில் அனுப்புங்க, நிறையபேருக்கு அனுப்ப சிரமமா இருக்கா மொத்தமா குழு அட்மின்களுக்கு தெரிவியுங்க, என்ன செய்யலாம்னு ஆலோசனை கேட்டு தேவையுள்ளவங்களுக்கு அனுப்பிடலாம், இல்லேனா சுற்றியுள்ளவர்களை நேரில் வந்து வாங்க சொல்லலாம்......
ஒவ்வொரு அறுவடை எடுக்கும் போது விதை எப்படி எடுக்க என்று சொன்னால் நிறைய நண்பர்கள் அதை தெரிந்துகொண்டு பயனடைய ஒரு வாய்ப்பு கிடைக்கும்,
ஏன் சொல்றேனா தக்காளி விதை ஒரு விதமா எடுக்கனும், வெண்டைக்காய் ஒருவிதமா எடுக்கனும், புளிச்சகீரை, கனகாம்பரம் பூ ஒரு விதமா எடுக்கனும்.....
ஆடியில் விதைத்து ஓரளவு செடிகள் பலன்கொடுக்க ஆரம்பித்திருக்கும், அடுத்து வரும் விவாதங்கள் விதை பற்றியதாக இருந்தால் சிறப்பாக இருக்கும்....🙏💐👍
மிளகாய் ரகங்கள் Some rare varieties of chilly
காரம் மிகுந்த புல்லட் மிளகாய்.
தட்டையாக படர்ந்து விரிந்து வளரும் புல்லட் மிளகாய் செடி.
கிளைகள் மேல் நோக்கி வளராமல் தட்டையாக பக்கவாட்டில் பரந்து வளருவதால் அதிக பூக்கள் பூத்து காய்களும் அதிகம் கிடைக்கிறது. Flat canopy plant.
நீளமான கருப்பு மிளகாய். நல்ல மனம் அதிக காரம் மற்றும் அதிக காய்ப்பு. இத்துடன் கருப்பு ரகங்கள் மட்டும் 12.
கத்தரி விதை எடுக்க வழிமுறை How to collect brinjal seeds for preservation
கத்தரி விதை எடுக்க விரும்பினால் மூன்றாம் அல்லது நான்காம் காய்ப்பு காய் ஒன்றை செடியிலேயே பழுக்க விட்டு அறுத்து ஒரு கண்ணாடி குடுவையில் போட்டு மூடி வைத்துவிட வேண்டும். அது தானாக நொதித்து புழு வைத்த பின் எடுத்து தண்ணீரில் அலசிவிட்டு திரட்சியான ( தண்ணீரின் அடியில் தங்கும் கனமான) விதைகளை மட்டும் உலர்த்தி சேகரித்து வைக்கவேண்டும்.
உபயம் : சகோதரி. பிரியா.
நம் பண்டைய விவசாயப் பழமொழிகள் Farming proverbs
🌝 புற்று கண்டு கிணறு வெட்டு
🌝 வெள்ளமே ஆனாலும் பள்ளத்தே பயிர் செய்
🌝 காணி தேடினும் கரிசல் மண் தேடு
🌝 களர் கெட பிரண்டையைப் புதை
🌝 கெட்ட நிலத்துக்கு எட்டு வன்னி
🌝 நன்னிலம் கொழுஞ்சி
🌝நடுநிலம் கரந்தை
🌝கடை நிலம் எருக்கு
🌝 களரை நம்பி கெட்டவனும் இல்லை மணலை 🌝நம்பி வாழ்ந்தவனும் இல்லை
🌝 புஞ்சைக்கு நாலு உழவு நஞ்சைக்கு ஏழு உழவு
🌝 குப்பை இல்லாத வெள்ளாமை சப்பை
🌝 ஆடு பயிர் காட்டும் ஆவாரை கதிர் கட்டும்
🌝 கூளம் பரப்பி கோமியம் சேர்
🌝 ஆற்று வண்டல் தேற்றும் பயிரை
🌝 காய்ச்சலும் பாய்ச்சலும் வேண்டும் 🌝
🌝மார்கழி மழை மண்ணுக்கு உதவாது
🌝 தை மழை நெய் மழை
🌝 கோரையை கொல்ல கொள்ளுப் பயிர் விதை
🌝 பாரில் போட்டாலும் பட்டத்தில் போடு
🌝 ஆடி ஐந்தில் விதைத்த விதையும் புரட்டாசி
பதினைந்தில் நட்ட நடவும் பெரியோர்கள்
வைத்த தனம்
🌝 கலக்க விதைத்தால் களஞ்சியம் நிறையும். 🌝 அடர விதைத்தால் போர் உயரும்
நம் மூத்த முன்னோர் சொல்மிக்க மந்திரமில்லை.
அன்புடன்
உங்கள் விவசாய நண்பன்
சீகைகாய் செடி வீட்டில் விதையிட்டு வளர்ந்துவிட்டது... ஆனால் 4 மாதம் ஆகியும், சிறியதாகவே உள்ளது. செடி பராமரிப்பு பற்றி கூறவும்? வெயிலில் வைக்க வேண்டுமா? நிலத்திலேயே வந்துவிட்டது.
Ans 1:
பயிர் தொழில், விவசாயம் என்று வரும் பொழுது அது சிறந்து விளங்க அடிப்படையில் ஆதாரமாக இருப்பது மண் வளம் தான்.
வளம் இல்லாத மண்ணில் செடிகள் செழிப்பாக வளராது.
செடி வளர்ச்சிக்கு சூரிய ஒளி மிக அவசியம். தாவரத்தைப் பொருத்து சூரிய ஒளி தேவை முன்னும் பின்னும் இருக்கும்.
பொதுவாக பயிர் செய்வதானாலும் சரி செடி நடுவதாக இருந்தாலும் சரி மண்ணை வளப்படுத்திய பின் தான் செய்வார்கள். அப்படி வளப்படுத்தாத நிலையில் நீங்கள் செடிக்கு மேலுரம் கொடுத்திருந்தால் செடி வளர்ச்சி பெற்றிருக்கும்.
காய்ந்த இலைகளை கொண்டு செடியை சுற்றி மூடாக்கிட்டு மாதமிருமுறை ஜீவாமிர்தம், அமர்தகரைசல், மீன் அமிலம் இதில் ஏதேனும் ஒன்றை நீர் பாசனத்தில் கலந்து விடவும்.
பூச்சி விரட்டி 5-6 நாள் இடைவெளியில் தொடர்ந்து தெளிக்கவும்.
Ans 2:
எடுத்து வேற இடத்தில் நடுங்க, கொஞ்சமாவது சூரியஒளி வேண்டும்.....மரத்திற்கு கீழ் கீரைகள் பூச்செடிகள் வைங்க...
அதிக மருத்துவ குணங்கள் கொண்ட கஸ்தூரி வெண்டை
கஸ்தூரி வெண்டை அதிக மருத்துவ குணங்கள் கொண்டது என்று கூறுகிறார்கள்.
இதில் இரண்டு வகை உள்ளது.
கஸ்தூரி வெண்டை
கஸ்தூரி வெண்டை
கஸ்தூரி வெண்டை
Kasthuri vendai plant with flower
கஸ்தூரி வெண்டை செடியிலும் காய்களிலும் இது போல சுனை இருக்கும்...
கஸ்தூரி வெண்டை
பெரிய ரகம் நட்சத்திர பழத்தின் அமைப்பை பெற்றிருக்கும். மற்றொரு ரகம் ஒரு அங்குல நீளம் வரும். சாதாரண வெண்டையின் பிஞ்சு போல் இருக்கும்.
இரண்டுமே வெண்டையின் சுவையை கொண்டதாக இருக்கும். பெரிய ரகத்தில் ஒரு மென்மையான கசப்பு தன்மை இழையோடும். சிறியது அப்படியே வெண்டையின் சுவையை கொண்டிருக்கும். பசுமையாக (salad) உண்ணலாம், சமையலிலும் சேர்க்கலாம்.
சிறிய ரகத்தை விட பெரிய ரகத்தில் அதிக காய்ப்பு இருக்கும்.
சிறிய ரகத்தில் செடியிலும் காயிலும் அதிக சுனை கொண்டிருக்கும். கிளைகள் வளைந்து நெளிந்து வளரும்.
கத்தரிக்காய் தொக்கு/கத்தரிக்காய் கடைசல் சுவையாக செய்வது எப்படி/brinjal t...
கத்தரிக்காய் தொக்கு/கத்தரிக்காய் கடைசல்/ கத்தரிக்காய் பஜ்ஜி/சுவையாக செய்வது எப்படி/brinjal thokku
Ennai Kathirikai Kulambu in Tamil / Brinjal gravy in Tamil / Ennai Kathirikai Curry Recipe
https://youtu.be/-Fse10Ljukk
#kathirikaikulambu #brinjalcurry #kulambuvariety
Miniature kitchen cooking with kids Vegetable Biryani making in tiny coo...
Miniature kitchen cooking with kids Vegetable Biryani making in tiny cookwares Mini cooking recipe
புடலங்காய் பொரியல் செய்வது எப்படி| Pudalangai Poriyal in Tamil Engal Vee...
இந்த ஆரோக்கியமான புடலங்காய் பொரியல் செய்முறையை வீட்டிலேயே முயற்சி செய்து உங்கள் கருத்தைப் பகிருங்கள்.
Pudalangai poriyal seivathu eppadi in tamil
Pudalangai/ snake gourd can be cooked as poriyal or koottu. Both pudalangai recipes tastes great. This simple pudalangai poriyal is quick to make and goes well with karakuzhambu and rice even as it is you can eat. Using tender snake gourd makes the pudalangai stir fry even more delicious. Try this healthy pudalangai recipe at home and share your feedback.
#Podalangai #poriyal #samayal #healthy #cooking #pudalangai
ஆடி கடைசி வெள்ளி கிழமைன்னா எங்க ஊர் கடல் இப்படித்தாங்க இருக்கும் | our v...
ஆடி கடைசி வெள்ளி கிழமைன்னா எங்க ஊர் கடல் இப்படித்தாங்க இருக்கும் | our village beach on AADI Last Friday
A day of Celebration of all village people at one place...
ஆடி கடல் தேடி குழி
#villagefestival #beach #beachgame #fun #village
Veg Biryani recipe in Tamil | How to make vegetable Biryani Engal veettu...
ஆடி வெள்ளிக்கிழமை எங்கள் வீட்டு சமையலில் வெஜ் பிரியாணி செய்தோம். நீங்களும் சமைத்து பாருங்கள்
Vegetable biryani is an aromatic rice dish made by cooking basmati rice with mix veggies, herbs & biryani spices.
#biryani #vegbiryani #cooking #cookwithme #easycooking
https://youtu.be/IqSS-6jQm6c
Masala vada recipe | Chana dal vada recipe | Masala vadai | Engal Veettu...
சனா பருப்பு மற்றும் மசாலாப் பொருட்களிலிருந்து தயாரிக்கப்படும் மிருதுவான மற்றும் சுவையான மசாலா வடை , தென்னிந்திய உணவு வகைகளின் பிரபலமான தெரு உணவாகும். இது தமிழ்நாட்டில் பருப்பு வடாய் என்றும் அழைக்கப்படுகிறது. சனா பருப்பைத் தவிர, மசாலா வடையில் உள்ள மற்ற முக்கிய மூலப்பொருள் வெங்காயம் அதன் சுவைக்கு முக்கிய பங்கு வகிக்கிறது.
#masalvadai #homecooking #cook #snacks #simplesnacks #easysamayal
Masala vada is made by coarsely grinding soaked chana dal or bengal gram. Then spices, onions & herbs are added to the dough.
ஞாபக ஆற்றலை அதிகரிக்கும் - வல்லாரை கீ
ஞாபக ஆற்றலை அதிகரிக்கும்
வல்லாரை கீர்👍🙏🌿☘️
பூஸ்ட் ஆர்லிக்ஸ்எல்லாம்
தூக்கி ஒரம் கட்டும்
இந்த பானம் ஒரு முறை சுவைத்துதான் பாருங்க
☘️நினைவுத்திறனை மேம்படுத்துகிறது.
☘️கல்வி கற்கும் ஆற்றலை அதிகப்படுத்துகிறது.
☘️மனப்பதட்டத்தை நீக்கி மன அமைதியை அளிக்கும்
☘️மூளையின் செயல்பாடுகளை வலுப்படுத்துகிறது.
☘️உடலில் நரம்பு மண்டலங் களை பலப்படுத்தும்.
தேவையான பொருட்கள்
வல்லாரை ஒரு கைபிடி
ஒரு மூடிதேங்காய் துறுவல்
2 கைபிடி நாட்டு சர்க்கரை
முந்திரி,பாதாம்,ஏலக்காய்- 5
அனைத்தையும் மிக்ஸியில் இட்டு அரைலிட்டர் நீரை சிறிது சிறிதாக கலந்து அரைத்து வடித்து பரிமாறவும்.🙏🌿🤩👍
கத்திரிக்காய் பொரியல் Brinjal fry in Tamil | Kathirikai Varuval Recipe i...
கத்திரிக்காய் வறுவல் | Brinjal Fry in Tamil
I usaully take this along with Curd Rice but goes well with Sambar Rice/ Rasam Rice or Chapathi.
A fry with brinjal, side dish for rice varietes Ingrediants. 1.Brinjal,oil, salt,onion, 2.Turmeric & chilly powders
மசாலா கத்தரிக்காய் பொரியல்
#brinjalfry #sidedish #cookingtips #evscooking
Maravalli Kizhangu Chips | Tapioca Chips Recipe | Kilangu Chips making E...
Here I am with another delicious recipe of homemade chips or crisps with Tapioca or Maravalli Kizhangu (as called in Tamil). ...
Tapioca Chips Recipe | Maravalli Kizhangu Chips making at our home Home made Snacks
how to make crispy chips #chips #smartwork #artofcooking #cookingtips
எங்கள் வீட்டு தோட்டம் Our home garden
எங்கள் வீட்டு தோட்டம் Our home garden
இந்த வீடியோ எங்கள் வீட்டுத் தோட்டத்தைக் காட்டுகிறது மற்றும் கறிவேப்பிலையின் நன்மைகளை விளக்குகிறது...
Kitchen tips from garden...This video shows our home garden and explains the benefits for curry leaves
என் செல்ல குட்டி மகளின் மழலை மொழியில் திருக்குறள் My daughter saying thi...
என் செல்ல குட்டி மகளின் மழலை மொழியில் திருக்குறள் en chella magalin mazhalai kuralil thirukkural
#thirukkural #daughter #poem
https://youtu.be/9uOi1bEfm4g
காலை பானம் Healthy morning drink
