இயற்கை வழி வீட்டு தோட்ட பயிற்சி - 9☘️🍀🌿🌱🪴🎋🍃🌾
Topic: ஆடிப்பட்டம் தேடி விதை - கிழங்கு நடவு முறை
* கிழங்கு வகைகளை வீட்டு தோட்டத்தில் எவ்வாறு நடவு செய்து அதிக மகசூல் எடுப்பது.
* அதலைகாய், பழுபாகல் வீட்டு தோட்டத்தில் நடவு முறை. செய்ய கூடியவை செய்ய கூடாதவை எவை.
Mr. Balaraman Maneri
Mrs.V.Priya Rajnarayanan
பயிற்சி ஒருங்கிணைப்பாளர்கள்
Mrs. Ajitha Veerapandian
Mrs. Akila Kunalan
ஒவ்வொரு வாரமும் நடைபெறும். அனைவரும் பங்கேற்று வீட்டுக்கு ஒரு விவசாயி ஆகலாம்
https://youtu.be/bMtLZfTHzPc
வணக்கம்
வளமான மண் சத்தான காய்கறி ஆரோக்யமான வாழ்க்கை
மண் வளம் பற்றி என்னோட புரிதலை இங்கே பகிர்கிறேன், (Mrs. Ajeetha Veerapandian) நீங்களும் மண்பற்றிய உங்கள் அனுபவங்களை பதிவிடலாம்........
நிலம்...மண்
விவசாயம், மாடிதோட்டம் வாழ்நாள் முழுவதும் செய்தாலும் தினம் ஒரு அனுபவம்...
மாடிதோட்டத்திற்கோ, விவசாயத்திற்கோ மண் வளம் மிக முக்கியம், ஒரு ஊரின் மண்வளத்தை வைத்துதான் இங்கே இந்த பயிர் விதைக்கலாம் னு கண்டுபிடிச்சிருவாங்க பெரியவங்க, நாமலும் மிக எளிமையா கண்டுபிடிக்கலாம், அதாவது மண்ணில் ஈரம், காற்று ஊடுருவும் தன்மை, மணம், இவையெல்லாம் சேர்ந்த பொலபொலப்பு தன்மை இருக்கவேண்டும்.....
உதாரணமா எங்க ஊரை சொல்கிறேன், ( விருதுநகர் ).....எங்கள் கிராமத்தில் ( அயன்ரெட்டியாபட்டி ) , மழை நீரில் மட்டுமே விவசாயம் அதாவது மானாவாரி நிலம் ( மழைபெய்தால் விவசாயம் ).....அப்படியிருந்தாலும் அந்த மண்ணில் நீர் பிடிப்பு தன்மை அதிகம் அதனால் நுண்ணுயிர்கள் அதிகம் வாழ்கிறது மண் மேலே பொலபொலப்புத்தன்மையோடு இருந்தாலும் வேர்பரவி அதன்பிடிப்புத்தன்மையும் பலமாகவும், அதிக வளர்ச்சியும் இருக்கு, ஆவணி புரட்டாசிதான் மழை....ஐப்பசி கார்த்திகை பனி, இந்த காலநிலை போதுமானதாக உள்ளது, இதற்கு மண்வளம் ஒரு காரணம், ஈரப்பதம் அதிகம் தன்னுள் வைத்துக்கொள்கிறது.....ஒரு குறிப்பிட்ட தூரம் 300 முதல் 500 கிலோமீட்டர், அதற்கு அடுத்து வேறுவகையான மண், ஈரப்பதம் மாறுபடும் பயிர் வளர்ச்சியும் ஏன் பயிடும் பயிர் வகைகளுமே மாற்றம் காணலாம்.....
இதே தான் மாடிதோட்டத்திற்கு மண் தேர்ந்தெடுப்பது, அதாவது உதாரணத்திற்கு ஒரு பிடி மண் கையில் பிடிச்சு பார்த்தால் சேரனும், உதிர்த்தாலும் உதிரவேண்டும், ஒரு சில இடங்களில் மண் கிடைக்கும் நகர்புறங்களில் மண் கிடைப்பது அரிது, வீட்டுக்கு வெளியே அள்ளிக்கலாம்னு சொல்வோம் ஆனா அந்த மண்ணை நாம வளப்படுத்த அதிக நேரம் எடுக்கும், புழுதி அதிகமா நாம மண் தேர்ந்தெடுத்தா களிமண் மணல் சாணம் இலைதழைகள் செம்மண் எல்லாம் சேர்த்து செடிவளரும் பக்குவத்திற்கு கொண்டுவரலாம், களிமண் அதிகம் உள்ள பகுதிகளில் மணல் கொஞ்சம் சேர்த்துப்பாக்கலாம், இப்படி ஒவ்வொரு பகுதிகளுக்கும் ஒரு மண்வகை இருக்கும், ஒவ்வொரு பகுதியில் ஒவ்வொரு விதை செழிப்பா வளரும் இதற்கு மண் ஒரு காரணம், எனக்கு மிளகா நல்லா விளையுது கத்தரிக்கா வரவே இல்லை என்றால் மண்தான் காரணம், நம்ம மண்ணுக்கு என்ன நல்லா விளையுதோ அதை விளைவிச்சு எடுப்பது சிறப்பு......பக்கத்துவீட்ல விளையும் பொருளை பண்டமாற்றுமுறையில் பகிர்ந்துகொள்ளலாம், மாடித்தோட்டம் என்றாலும் சரி, விவசாயத்திலும் சரி.....பணப்புழக்கத்தில் இருந்து வெளியேவர சிறு முயற்ச்சி எடுக்கலாம்......
எப்படி மண்ணில் இறுக்கம் குறைந்து வேர்கள் மண்ணில் பரவி விளைச்சல் அதிகமாகுதோ, அதேபோல் நாமும் எட்டுத்திக்கும் விவசாய விழிப்புணர்வை கொண்டுவந்து, நம் நாட்டின் வளங்களை பாதுகாத்து நாமும் நலம்பெறுவோம், விவசாயிகளையும் வாழவைப்போம்,.....
நகரவாசிகள் வீட்டின் அடிப்படை காய்கறி தேவைகளை பூர்த்தி செய்ய மாடிதோட்டம் ஆரம்பிக்கலாம் நலமோடு வாழலாம்..
வணக்கம்
மண் வளப்படுத்தும் முறை என் அனுபவம் புரிதல் by Mrs. Ajitha Veerapandian ......
துள்ளித்திரியும் வயதில் எங்கள் கிராமத்தில் ஒவ்வொரு வீட்டிலும் ஆடு மாடு கோழி நாய் பூனை இப்படி ஏதாவது ஒரு உயிர், ஏன் குருவி கூடுகள் கூட அதிகம் இருக்கும், மனிதன் மட்டுமன்றி எல்லா உயிரனங்களும் இணைந்து வாழும், ஒரு சங்கிலி தொடர்பு இருக்கும்.....
காலையில் சாணி கலந்த தண்ணீர்தான் வாசல் தெளிப்பாங்க, இதில் எந்த மாறுபட்ட கருத்தும் இல்லை, தண்ணி தெளிச்சிட்டு பெருக்கி கூடையில் அள்ளுவாங்க, ( இதில் எல்லா வீட்டு குப்பைகளும் அடங்கும் ) அப்படியே ஒரு வீட்டு ஒரு எருகிடங்கு இருக்கும் கொஞ்சம் ஊரைவிட்டு தள்ளி அதில்தான் குப்பைகள் சேகரிக்கப்படும், காலையில் ஒரு 6 மணிக்கெல்லாம் அள்ளிட்டு நண்பர்களுடன் சேர்ந்து போவோம், அந்த காலை நேரத்தில் பட்டாம்பூச்சிகள் அதிகம் பறக்கும், தும்பைசெடியில் அதிகம் நிற்கும் அந்த குப்பை கூடையை வைச்சே பட்டாம்பூச்சி பிடிப்போம் விடுவோம் இது காலைநேர விளையாட்டு, அந்த எரு கிடங்கில் செழிபான தக்காளி செடி, கேந்திப்பூ செடி கிடைக்கும் எடுத்துவந்து வீட்டில் நடுவோம், வெள்ளரி, மிதுக்கங்காய், மஞ்சள் பூசணி எரு கிடங்கு மூடும் அளவு பரவி இருக்கும்....காய்களும் மிக செழிப்பா வளரும்....வருடம் ஒருமுறை இந்த எருகிடங்கில் உள்ள எரு மட்டும்தான் எங்கள் நிலங்களில் உரம், பூச்சிவிரட்டிகள் எல்லாம்....
அதே தான் நம் மாடிதோட்டத்திற்கும்....குப்பைகள் மட்டும் வைத்தே மண்வளப்படுத்தலாம், வீட்டில் நாம் அன்றாடம் பயன்படுத்தும் காய்கறி கழிவுகள் வைத்தே வளமான மண் தயார் செய்யலாம், ஒரு பழைய டப்பா, அல்லது சாக்கு கூட போதும் அதில் முதலில் கொஞ்சம் மண் போடுங்க, அப்பறம் காய்கறி கழிவுகள் போடுங்க, அதன்மேல் மண், காய்கறி கழிவு மண் இப்படி போட்டுட்டே வரவேண்டும் நிறைந்ததும் அப்படி ஒரு மாதம் மூடி வைச்சிடுங்க, அதேமாதிரி அடுத்த சாக்கில் போடலாம், அடுத்த ஆடிமாதம் விதைக்கும் போது இந்த மண்ணை எடுத்து நாம பயன்படுத்தலாம், இடம் நிறைய இருந்தால் எரு குழி மாதிரி செய்து பயன்படுத்தலாம்......
இதுமாதிரி செய்யும்போது அதிக செலவு இருக்காது, மண்ணும் வளமானதாக மாறிடும்,
உங்கள் மண் புரிதல் தயாரிப்புகளையும் பதிவு செய்ங்க...
Winged bean என்று ஆங்கிலத்தில் குறிப்பிடப்படும் இந்த காய்கறி தாவரம் கிழக்காசியாவில் பெரிதும் விரும்பி வளர்க்கப்படும் கொடி தாவரமாகும். இந்த தாவரத்தின் இலை அவரை போன்று இருப்பதால் இதை அவரை ரகமாக கருதி winged bean தமிழாக்கமாக சிறகு அவரை என்றும், இந்த காயிற்கு நான்கு பட்டை/பக்கங்கள் இருப்பதால் காரணப் பெயராக சதுர அவரை என்றும் குறிக்கப்படுகிறது.
நாட்டு மருத்துவத்தில் செடியின் அனைத்து பாகங்களை குறிக்கும் விதமாக சமூலம் என்று வார்த்தையை பயன்படுத்துவர். இத்தாவரத்தின் அனைத்து பாகங்களும் வேரிலிருந்து செடியின் நுனி வரை அனைத்தும் மருத்துவ குணங்களை கொண்டிருப்பதால், கீழை நாடுகளில் அதிகமாக பயிரப்படுகிறது.
விதை மற்றும் கிழங்குகளைக் கொண்டு பயிர் பெருக்கம் செய்யலாம். கிழங்கையும் சமைக்கலாம்.
இது பல்லாண்டு தாவரமாகும். காய்ப்பு முடிந்ததும் கவாத்து செய்து செடியை பராமரித்து வந்தால் , உரிய நேரத்தில் காய்க்க ஆரம்பிக்கும். அப்படியே செடி பட்டு போனாலும், மண்ணில் உள்ள கிழங்கின் மூலமாக மழை வந்ததும் துளிர்ந்து வளரும்.
Cool climate crop என்று குறிக்கப்படும் தாவரம் ஒரு சம்பா ரக பயிராகும். ஆடிப் பட்டத்தில் விதைத்தால் நவம்பரில் காய்க்க ஆரம்பிக்கும்.
பட்டம் தப்பி பயிர் செய்தால் சம்பா பருவத்தில் காய்க்காமல் அடுத்த சம்பா பருவத்தில் தான் .காய்க்ரும்.
இதில் 5 ரகங்கள் உள்ளது.
பச்சை குட்டை
பச்சை நீளம்
ஊதா குட்டை
வரி குட்டை
நீண்ட நீள பச்சை ரகம்.
Ans 1:
பயிர் தொழில், விவசாயம் என்று வரும் பொழுது அது சிறந்து விளங்க அடிப்படையில் ஆதாரமாக இருப்பது மண் வளம் தான்.
வளம் இல்லாத மண்ணில் செடிகள் செழிப்பாக வளராது.
செடி வளர்ச்சிக்கு சூரிய ஒளி மிக அவசியம். தாவரத்தைப் பொருத்து சூரிய ஒளி தேவை முன்னும் பின்னும் இருக்கும்.
பொதுவாக பயிர் செய்வதானாலும் சரி செடி நடுவதாக இருந்தாலும் சரி மண்ணை வளப்படுத்திய பின் தான் செய்வார்கள். அப்படி வளப்படுத்தாத நிலையில் நீங்கள் செடிக்கு மேலுரம் கொடுத்திருந்தால் செடி வளர்ச்சி பெற்றிருக்கும்.
காய்ந்த இலைகளை கொண்டு செடியை சுற்றி மூடாக்கிட்டு மாதமிருமுறை ஜீவாமிர்தம், அமர்தகரைசல், மீன் அமிலம் இதில் ஏதேனும் ஒன்றை நீர் பாசனத்தில் கலந்து விடவும்.
பூச்சி விரட்டி 5-6 நாள் இடைவெளியில் தொடர்ந்து தெளிக்கவும்.
Ans 2:
எடுத்து வேற இடத்தில் நடுங்க, கொஞ்சமாவது சூரியஒளி வேண்டும்.....மரத்திற்கு கீழ் கீரைகள் பூச்செடிகள் வைங்க...